Үйлчлэгч бодис: 5 мл бүрд:
Эритромицинд ..............х.х
Эритромицин эстолат USP 125 мг
Хэрэглэх заалт: Эритромицинд мэдрэг бичил биетний халдварын эмчилгээн урьдчилан сэргийлэлтэнд хэрэглэнэ.
Эритромицин эмнэл зүйд олон төрлийн халдваруудад өндөр идэвхитэй нөлөө үзүүлнэ:
1. Амьсгалын дээд замын халдварууд: тонизилит, цээжний гялтангын буглаа, фарингит, ларингит, синусит, ханиад томуугийн хоёрдогч халдвар
2. Амьсгалын доод замын халдварууд: трахейт, хурц архаг бронхит, уушигны хатгалгаа (дэлбэнцрийн хатгалгаа, бронхопневмони, хэвийн бус анхан шатны хатгалгаа), гуурсан хоолойн тэлэгдэл, легионарийн эмгэгүүд
3. Чихний халдварууд: дунд чихний отит, гадна чихний отит, мастоидит зэрэгт хэрэглэнэ.
Хэрэглэх тун: Зөвхөн дотуур хэрэглэнэ.
Ууж хэрэглэнэ. Нярай, бага насны хүүхдэд 5 - 10 кг, 10 мг/кг тунгаар 6 цаг тутамд, 10 - 25 кг, 125 мг тунгаар 6 цагаар хэрэглэнэ. Насанд хүрэгчид, 25кг-с дээш жинтэй хүүхдэд 250 мг тунгаар 6 цагаар, эсвэл 500 мг тунгаар 12 цагаар хэрэглэнэ. Хүнд халдварын эмчилгээнд тунг давхарлан олгож болно.
Хориглох заалт: Эритромицинд хэт мэдрэг бол хориглоно.Эритромицинийг астемизол, терфенадин, цизаприд, пимозид хэрэглэж буй өвчтөнд хориглоно. Мөн эритромицинийг эрготамин, дигидроэрготаминтай хамт хэрэглэхгүй.
Анхааруулга: Эритромицин үндсэндээ элгээр ялгардаг тул элэгний үйл ажиллагаа алдагдсан болон элэг хордуулах нөлөөт эмийн бэлдмэлтэй хамт хэрэглэхдээ тун болгоомжтой байна. Элэгний үйл ажиллагааны алдагдал нь элэгний ферментийн ихсэлт, цөс зогсогшилийн элэгний үрэвсэл хамт явагдах тул эритромициний хэрэглээнд шарлалт үүсдэг талаар байнга мэдээлэгддэг.
Ихэнх бактерийн эсрэг эмийн хэрэглээнд хуурамч бүрхүүлт колит үүсэлт мэдээлэгддэг ба ялангуяа макролидуудад амь насанд аюултай бага зэрэг ноцтой шинж үүсдэг. Clostridium difficile-шалтгаант суулгалт нь ихэнх бактерийн эсрэг бэлдмэл болон эритромицинд үүсдэг талаар мэдээлэгддэг тул хөнгөн хэлбэрийн суулгалтаас үхлийн аюултай колит үүсч болохыг анхаарна. Бактерийн эсрэг бэлдмэлүүд бүдүүн гэдэсний хэвийн орчнийг өөрчилснөөр C. difficile өсөх нөхцөлийг бүрдүүлдэг. Иймд антибиотик хэрэглэж буй өвчтөнд суулгалт үүсэлтийг анхаарах хэрэгтэй. Clostridium difficile-шалтгаант суулгалт үүсэлт бактерийн эсрэг бэлдмэл хэрэглэснээс хоёр сарын дараа үүсдэг гэж эмнэл зүйн түүхэнд тэмдэглэгдсэн.
Жирэмсэн, хөхүүл: Жирэмсэн эмэгтэйд хийгдсэн хяналттай судалгаа хангалтгүй. Гэхдээ жирэмсний эрт үед эритромицин хэрэглэснээр зүрхний гажиг үүссэн гэж мэдээлсэн. Эритромицин ихэсийн хориг нэвтэрэх ба ургийн сийвэнд ерөнхийдөө багаар агуулагдана. Эритромицин хөхний сүүгээр ялгарах тул хөхүүл эхэд эритромициныг болгоомжтой хэрэглэнэ.
Гаж нөлөө: Эмийн харилцан нөлөө
Эритромицинийг системийн цитохромын Р450 нөлөөнд хувиралд ордог эмүүдтэй хамт хэрэглэхэд түүний сийвэнгийн агууламж ихсэнэ: аценокуморал, алфентанил, астемизол, бромкриптин, карбамазепин, цилостазол, цклоспорин, дигоксин, дигидроэрготамин, дизопирамид, эрготамин, гексабарбитон, метилпреднизолон, мидазолам, омепразол, фенитоин, хинидин, рифабутин, силденафил, такролимус, терфенадин, теофиллин, триазолам, вальпроат, винбластин, мөөгөнцрийн эсрэг флуконазол, кетоконазол, итраконазол.
Тун хэтрэлт: Шинж тэмдэг: сонсгол буурах, дотор муухайрах, бөөлжих, суулгах.
Эмчилгээ: ходоод угаах, ерөнхий дэмжих арга хэмжээг авна.